Privatësia dhe të dhënat tuaja
Ky pyetësor mbledh përvojat e prindërve dhe kujdestarëve mbi pjesëmarrjen e fëmijëve në sport, kostot dhe nevojat për mbështetje.
Llogaria e prindit ose kujdestarit
Për regjistrim kërkohen emri, mbiemri, username dhe fjalëkalimi i prindit ose kujdestarit madhor. Fjalëkalimi ruhet vetëm në formë të përpunuar kriptografikisht dhe nuk shfaqet për administratorin. Përgjigjet e dërguara lidhen me llogarinë tuaj; prandaj pyetësori nuk është anonim.
Hyrja ruhet me një cookie të nevojshme për sesionin, që skadon pas 7 ditësh. Dalja nga llogaria e mbyll sesionin. Për kufizimin e përpjekjeve të tepërta përdoren identifikues të përpunuar të username dhe lidhjes, në intervale 15-minutëshe.
Çfarë kërkojmë për fëmijën?
Grupmoshën, gjininë, komunën, sportet, klubin ose programin, shpenzimet dhe vështirësitë. Për fëmijët aktivë mund të shënoni, në mënyrë opsionale, emrin dhe mbiemrin e trajnerit/es. Kjo e dhënë ndihmon në identifikimin e kontekstit të stërvitjes, ruhet bashkë me përgjigjen dhe është e qasshme vetëm për administratorin e autorizuar. Nuk publikohet në analizën e përmbledhur. Nuk kërkojmë emër të fëmijës, numër personal, adresë të saktë, fotografi apo të dhëna shëndetësore. Mos i shënoni këto as në fushat e lira.
Kush e plotëson?
Prindi ose kujdestari plotëson një përgjigje për secilin fëmijë nën 18 vjeç. Pjesëmarrja është vullnetare dhe dërgimi kërkon pëlqimin tuaj të qartë. Plotësimi nuk është aplikim për financim dhe nuk garanton përfitim financiar.
Si përdoren përgjigjet?
Për analizimin e pjesëmarrjes në sport dhe planifikimin e programeve mbështetëse. Përgjigjet e detajuara janë të qasshme vetëm për administratorin e autorizuar. Llogaria e prindit nuk jep qasje në panelin e analizës ose në të dhënat e familjeve të tjera. Pyetësori nuk publikon automatikisht përgjigje apo rezultate për fëmijë individualë.
Meqë kombinimi i grupmoshës, komunës dhe klubit mund të lidhet me një person, mos e trajtoni këtë pyetësor si garanci të anonimitetit të plotë.
Rikthimi dhe fshirja e llogarisë
Regjistrimi ju jep hyrje direkte pa kod konfirmimi. Nëse harroni fjalëkalimin, te “Keni harruar fjalëkalimin?” mund të kërkoni ndihmë nga administratori. Kërkesa përmban emrin e përdoruesit, emrin dhe mbiemrin, numrin e telefonit për kontakt dhe, në mënyrë opsionale, një shënim. Këto të dhëna janë të qasshme vetëm për administratorin dhe përdoren për trajtimin e kërkesës. Pas verifikimit të pronësisë, administratori mund të krijojë një fjalëkalim të përkohshëm që vlen 24 orë. Sesionet ekzistuese mbyllen dhe ju duhet ta ndryshoni fjalëkalimin në hyrjen e parë. Fjalëkalimi i ri ruhet vetëm në formë të përpunuar kriptografikisht; administratori nuk e sheh atë. Kërkesat ruhen si evidencë e trajtimit dhe fshihen kur fshihet llogaria.
Mund ta fshini llogarinë dhe përgjigjet e lidhura me të te Llogaria ime, duke konfirmuar fjalëkalimin. Përgjigjet e mëparshme të dërguara pa llogari fshihen me kodin e tyre privat.
Ruajtja dhe fshirja e përgjigjes
Përgjigjet ruhen për analizën e kësaj nisme. Pas dërgimit merrni një kod privat për fshirje. Mbajeni këtë kod: me të mund ta tërhiqni përgjigjen duke përdorur formularin më poshtë. Kodi nuk shfaqet në panelin e administratorit. Pa kodin nuk mund ta dallojmë me siguri përgjigjen tuaj.
Formulari i papërfunduar qëndron vetëm në faqen e hapur dhe nuk ruhet si përgjigje derisa të klikoni “Dërgo përgjigjen”.
Pyetje për këtë nismë
Për pyetje mbi trajtimin e të dhënave, përdorni kontaktet zyrtare në faqen e Agjencisë së Sportit.
Afati i pyetësorit
Pranimi i përgjigjeve mbyllet më 30 nëntor 2026, në fund të ditës sipas orës së Kosovës. Funksioni i fshirjes mbetet i disponueshëm edhe pas mbylljes.